[官方測試報告] racewong report - Krell Phantom II & Evolution 400e

conderliu

~~序~~ 由我玩屏風開始, 心儀既後級來來去去都係只係得AUDIO RESEARCH REFERENCE 210 / 250, KRELL FPB450MCX / Evolution 400e. AUDIO RESEARCH果邊既代理一直聯絡唔到, 所以我到依家都未試過REFERENCE 210/250夾屏風既威力. 反而比我遇上BRYSTON 28B SST2, 先多多一部DREAM MONO POWER AMP. 當然, KRELL既FPB 450 MCX 與 EVO 400e都係我既目標之一, 原因就係我未係屏風FANS之前, 係一個WILSON AUDIO既FANS, 仲JOIN左DAVE WILSON個女開既FACEBOOK WILSON AUDIO FANS CLUB GROUP. 睇過外國好多WILSON用家, 大多在功放既配搭上, 都係使用AUDIO RESEARCH 前級夾KRELL後級推WILSON AUDIO. 所以我一心諗住KRELL既天仙配前級, 一定非ARC莫屬. 直至我這套KRELL正式送到我家, 這個諗法先有所改變. ~~產品介紹~~ 玩HIFI玩左5-6年, 真係未試過玩KRELL, 過往道聽途說, KRELL這品牌代表左[力]的表現, o係80年代, 以能推動APOGEE鋁帶喇叭而聞名於世. 機側兩邊既勁誇張散熱片, 的確唔聽得都睇得. 直到2000年Evolution系列面世, 其全新設計將舊有既誇張散熱片收藏喺機入面, 熱度雖然仍然仲係十分勁, 但以KRELL設計多年既CLASS A後級黎講, 其耐用性根本不用懷疑. 輸出方面, 以class a既後級黎講, 簡直係痴左線咁得人驚. 8ohm - 400w 4ohm - 800w 2ohm - 1600w 外觀上, KRELL PHANTOM II前級好有CYBER味道, 全銀色厚鋁合金機, 配上藍燈DISPLAY, 薄薄既機身, 其深度竟有17.5吋, 加上頂殼既厚鋁板隱透點點紅光. 面板中央印上型號既拉絲不透鋼面. 兩側分別排列整齊既輸入選擇, 最正就係有反相制. undefined 最右邊仲有個超順滑圓型音量制. 至於機背, 共有三組RCA, 兩組XLR及兩組C.A.S.T輸入端子, 輸出就整晒RCA, XLR, C.A.S.T各一組. EVOLUTION 400E 就更簡約, 面板中央印上型號既拉絲不透鋼面, 下方得一粒STAND BY會著綠燈, 開機後會著藍燈既POWER制. 機背右邊, 除左有一組喇叭輸出端子, 仲有RCA, XLR & C.A.S.T輸入各一組. IEC插座使用20A, 所以我特地向代理借多對全新20A既KRELL VECTOR HC POWER CORD. 估唔到除左對KRELL HC POWER CORD外, 仲跟多對NORDOST代工既C.A.S.T接線. undefined ~~實地測試~~ 好肋, 粗略介紹完套KRELL既外觀, 就要講下測試既內容. 其實拎得套KRELL返屋企試音, 我最想就係試下用ARC夾KRELL EVO 400E既效果. 不過代理送埋部PHANTOM II過黎. 無理由唔試埋佢啫. 如是者, 一開始我就換走我套ARC + BRYSTON, 將套KRELL直接上架. 線材方面, 都有D要大執位, 因為原本對SHUNYATA KING COBRA係比對BRYSTON MONO, 但因為對EVO 400E係用20A插頭, 所以我就將對KING COBRA PC插去CD8 & PHANTOM II, 對400E就用番跟黎既全新20A KRELL VECTOR HC POWER CORD. 接線方面, CD8 去 PHANTOM II就係用我近期最愛既GURU CABLE 樂 XLR. 前級去後級呢, 我開始只係用返我對CARDAS CLEAR XLR. 喇叭線今次就用返對TRANSPARENT ULTRA. 開始既時侯, 因為果幾塊SYMPOSIUM SEGUE仲未到貨, 所以套KRELL只係直接放喺SOLIDSTEEL既MDF板上. 頭一星期, 套KRELL都真係幾令我失望, 換左套KRELL, 好似大力左, 但偏燥, 有小小硬, 結像又矇又粗. 我估計應該係對全新既KRELL VECTOR HC POWER CORD累事. 因為跟據代理所講, 套KRELL PHANTOM II & 400E已煲左[一段]undefined 時間, 應該已進入狀態. 聽左一個星期都未有好轉, 我就忍唔住換返我部ARC REF 5se上去夾對400e mono. 唉! 換左ref 5se仲衰聲, 可能ARC前級既GAIN比KRELL PHANTOM II大左小小, 所以聽感上更燥, 更噪. 好, 又聽多一個星期, 最後都係忍唔住又換返部PHANTOM II上去, 今次, 我就使用佢跟黎既KRELL CAST 接線連接前後級. 唔知係咪對VECTOR HC PC煲左個幾星期, 對400E開始進入狀態, 煩燥感一掃而空, 取而代之既係音樂感連貫性大增. 而使用埋對C.A.S.T接線, 更可提升埋空間感, 音場深闊都有明顯增長, 講到最明顯改善, 就係結像力, 線條輪廓. 簡直嚇我一跳! 過多一個星期, 等到SYMPOSIUM SEGUE到貨, 我就急不及待將部PHANTOM II墊埋上SEGUE加埋COUPLER. OH...NO..., 連中高頻既尾音都出埋, 這令我套組合增添左更多華麗感覺. 播放大動態樂章, 以KRELL EVOLUTIOIN 400E推過屏風既音場氣勢, 真係豐厚而不失細節. 瞬變速度剛剛好, 唔快唔慢, 完完全全可以將指揮家要求既氣氛100%表現出黎. 說到音場, 在我家未曾出現過既闊度, 竟然被這套KRELL打破了! 音場向左右擴散, 每邊起碼加多兩尺, 但音質密度並無相對減弱. 這我會歸功於EVOLUTION 400E既巨額輸出功率. 至於深度, 一貫頂級機種, 大約可穿後牆三至四尺. 當然我唔會就咁就收貨, 大拿拿成套前後級實價超過三十萬, 我既要求亦會相對提高. 所以要試埋人聲小品, 以EVOLUTION 400E既CLASS A底子, 要出到一把厚暖磁性, 豐富感情, 當然毫無難度. 我要求既係音場分隔度及結像聚焦! 在我屋企, 出現過好多唔同牌子既前後級, 推動我對屏風3.7. 到現在為止, 講到結像力, 這套KRELL 真係做得最好, 最出色. 佢連屏風最大既弱項-[人聲咀型], 都細緻到可以令歌者個咀型, 唇齒動作活龍活現. 這是我最為欣賞的. 心諗如用部前級用埋頂級既EVOLUTION 202, 咪仲正?! 不過講開又講, 我對BRYSTON 7Bsstc輸比EVOLUTION 400e, 的確係輸得合理. 如要比較兩對怪獸後級, 就應該用BRYSTON 28Bsst2 VS EVOLUTION 400e. ARC REF.5 se + BRYSTON 28B sst2 VS KRELL Phantom II + Evolution 400e 唔知你地有無興趣想知呢?! undefined undefined 不過所謂既比較都只能依靠我既印象記憶. 不能作準唷! 所以都係唔好o係依個報告上詳述了. ~~總結.~~ 一直以黎, 我都同咁多網友對KRELL既主觀性大致相同, KRELL最出名係後級, 反而佢既前級就唔係太多人使用. 無論國內國外, 好多發燒友都用唔同既前級黎夾KRELL後級. 所以令好多人都覺得KRELL前級無料到. 今次我初試KRELL PHANTON II + EVOLUTION 400e. 比我既感覺, 一d都唔粗聲, 當煲透套機, 加上適量既附件調一調味. 論幼細,分隔,感情, 絕對可與其他歐洲機相題並論! 有興趣既老友, 快D打去代理預約試聽啦. 街價 - PHANTOM II - $108,000 EVOLUTION 400e - 每部$108,000 (即一對400E係 $216,000) KRELL VECTOR HC PC 6 ft- $17,100 KRELL C.A.S.T. by Nordost 2M - $11,700 ~~完~~

report

老浦东

交易区新帖推荐

顶一下！！！[s:97][s:97][s:97]

conderliu

老浦东 发表于 2013-12-27 18:56
顶一下！！！

[s:97]thx